بقلم الشاعرة العراقية/شذى ال معمر
الخبر بركان هز ركن الضمير
والبعض يردون سكته انكتمه
هد على الثوار بخيول الضلام
وبالرصاص صدور شفنه امحزمه
اي عصابه الي اجونه معصبين
احنه عدنه الصوص ندري محوسمه
من اجو بثياب عار ملثمين مو زلم لتريد حكها ملثمه
اخو خيته الكال شوفوني اجيت
وليجيك بغفله لتحسبه زلمه
الاجو بختام من خلف الحدود
وسفه عدنه رجال هيجي مختمه
هد على الثوار بخيول الضلام
وبالرصاص صدور شفنه امحزمه
شاعره وشفت القصيده على الرصاص
تنتصر عالسيف وكت الموزمه
دمعة الابطال معنها العراق
انجرح هل يوم وبكلبه ندمه
حرمت الثوار داساها الجبان
وسفك دم اسلام الله محرمه
لزم فاسه من التخلف والارهاب
جن جدار الكعبه بيده يهدمه
لسه على الجدران دم الابرياء
اله حوبه وثار ميضيع الدمه
ياعصابات التخلف هذا نور يغسل عقول السنين المضلمه
ياعصابات التخلف هايه كاع بيها نام احسين درة فاطمه
وللاسف بغداد عاصمة السلام
للأرهاب اليوم صارت عاصمه
منجل الارهاب يحصد الابرياء
ماحصد فديوم روس المجرمه
الخطف ياناس مو شيمة رجال
ولو اجاك بليل وبغفله رمه
حرمينه عليه مي دجله وفرات
لاابو معروف لاام مسلمه
انتو جم استاذ وي ثائر شهيد
انطيتو للارهاب اطول قائمه
والشهيد الروحه صعدت للسماء
فدوه لجل الكاع والله اليرحمه
يلي صرتو جروح تضحك عالسيوف الوطن بس كون الله يسلمه
